వెలుగుదివ్వె

కడదాకా వెలగదుదివ్వె కొడిగట్టుకు పోదామరి

ముడివేసే పవిత్రబంధం విడిపించుకు పోదామరి 

మనిషి జన్మ వేదిక పై ఎన్ని నాట్య వైచిత్య్రాలొ

పాత్రముగిసి పోవగానె తెరదించుకు పోదామరి 

నీదికాని సంపదకొరకు పరుగులెందుకో"చల్లా "

కడకు తనువు కుంగిపోయి దహియించుకు పోదామరి 

బంధుకోటి అనుబంధం ఎన్నినాళ్ళు సాగుతుంది

భజనచేస్తు భోంచేస్తె హరియించుకు పోదామరి 

మూడునాళ్ళ ముచ్చటయే అమ్మకట్టె ఎముకల 

గూడు పంజరంలొ రామచిలుక చెరతెంచుకు పోదామరి