ఉండాలో

ఎవరికెవరు చూపగలరు..స్వర్గమెలా ఉండాలో..!?

ఎవరు నిర్వచించగలరు..అందమెలా ఉండాలో..!?

గొడవంతా జరుగుతోంది..చూచుతీరు లోపలనే..

ఏల పట్టి ఇవ్వగలరు..సహనమెలా ఉండాలో..!?

అనుభవాల కోవెలలో..దీపాలకు కథలెన్నో..

ఎవరు చెబితె తెలియగలరు..భావమెలా ఉండాలో..!?

అర్థమయ్యి కాకముందె..ముగుస్తుంది ఓ అంకం..

ఏవిధముగ చెప్పగలరు..సౌఖ్యమెలా ఉండాలో..!?

అరకన్నుల వెలుగుపూలు..కాల్చునుగా ఖర్మలన్ని..

ఏ మాటలు వాడగలరు..ధ్యానమెలా ఉండాలో..