గురుపూజ

*గురుపూజ*

(కందములు)

గురువే దైవమటంచును

బరమాత్ముడు దా కొలిచెను భక్తియుతుండై

పరమును జూపెడి గురునికి

మరిమరి నే ప్రణతు లిడుదు మక్కువతోడన్/

తప్పులు దిద్దెడి యొజ్జను 

మెప్పుదలగ జూచి మనలఁ మెచ్చిన గురునిన్

ముప్పును తప్పించు గురుని

కెప్పుడు మ్రొక్కద వినతిగ నీశ్వరుడంచున్.//

భారతిసతి సేవకుడై

మారాతలు మార్చుచుండు మహనీయుడిలన్

గారణ జన్ముడు మమ్ముల 

తీరిచి దిద్దెడి యనఘుని తిరముగ దల్తున్.//

పదములు నేర్పెడి గురువై

వదలక మా వెంట పడుచు వ్యాకరణంబున్ 

మదిలో చొప్పించు నెపుడు 

ముదముగ గొల్తును సతతము పుణ్యచరిత్రున్.//

గురుపూజోత్సవ దినమున

గురుతుగ పద్యముల నల్లి కొల్చుచు పదముల్

స్థిరముగ సేవించ గురుని

వరములు గుప్పించి వాణి వాంఛలు తీర్చున్.//