వెనుకటి తరం !

వెనుకటితరం ఒకరకంగా

తర్వాత పుట్టినవారికి ద్వారం .

వారి తపన గుర్తించదగినది

నిజంగా ! ఎందుకంటే ,

ఇంత బాగుంది గనుక మన యవ్వారం .

తాత ఖద్దరుపంచె , లాల్చీ కట్టుకుని ,

కండువా భుజాన హుందాగా వేసుకుని .

అవ్వ జరీచీర ఒంటినిండా కప్పుకుని ,

ఎర్రని కుంకుమబొట్టును సింగారించుకుని !

కిర్రుచెప్పులేసుకుని ఎంతో ఠీవిగా నడుస్తుంటే ,

వారిలో సహనశీలత స్వయం భూదేవిలా .

ఇంటినిండా సంతానం కళకళలాడుతుంటే ,

పెరడు పూలు , పండ్లతో నిండుగర్భిణిలా !

ప్రతిసావిట్లో పాలిచ్చే ఆవులు , గేదెలు .

పొలంలో దన్నిచ్చే ఎడ్లు , ఇతర గొడ్లు .

సంవత్సరమంతా పండినధాన్యం పురిలో ,

వైభవంగా జనులు తమతమ ఊరిలో !

ఏ శుభకార్యమొచ్చినా అంతా ఒక జట్టు ,

జన్మభూమి స్వేచ్ఛకు పరాక్రమమే మెట్టు .

జానపదాలు వినోదం , బంధుమిత్రులు వైభోగం .

మేళతాళాలు సంస్కృతి , విజయగాథలే కృతి .