తోటలోకి

పట్టిపట్టి లాగకోయి..కాలాడని తోటలోకి..!

విషాదాల వినోదాల..తియతియ్యని తోటలోకి..! 

ఓదార్చే చెలిఎవరో..వచ్చేనా ఉందెక్కడ.. 

రారమ్మని ఏం పిలువను..ఈ నవ్వని తోటలోకి..! 

ఏ తాడుతొ బంధించిన..ఆగేనో ఈ మనస్సు.. 

పోవలదని చెప్పుటెలా..శాంతివ్వని తోటలోకి..! 

వారించే ఉపాయమే..ఇవ్వమందు మందులాగ.. 

నిషేధించు టెలాగోయి..సుఖమందని తోటలోకి..! 

నీ ఊహల పరవశాల..మధుశాలయె చాలందును.. 

ఎందుకులే ఏ కోకిల..మరి పాడని తోటలోకి..! 

కలహించే పూవులెన్నొ..ముద్దిచ్చే ముళ్ళెన్నో.. 

ఏమైనా వెళ్ళలేను..అలరించని తోటలోకి..!