గ్రంథాలయం
ప్రొఫైల్
నీ తలపున
నీ తలపున
1 min
2
నీ తలపున ఉండిపోతి..ఉత్సవమే ఇపుడంతా..!
నీ పాటగ మారిపోతి..ఉత్సవమే ఇపుడంతా..!
ఏ దారెటు పోతేనేం..నీ చూపే నా దారిగ..
నీ వెలుగున కలిసిపోతి..ఉత్సవమే ఇపుడంతా..!
అలసటకే విసుగేసెను..నిద్దురకే సిగ్గేసెను..
నీ పూజన కరిగిపోతి..ఉత్సవమే ఇపుడంతా..!
మరపుకన్న వరమేదో..మైమరపే తోడైనది..
నీ దివ్వెగ మిగిలిపోతి..ఉత్సవమే ఇపుడంతా..!
ఈ అవస్థ వర్ణించగ..మాటలసలు దొరకవులే..
మరిగిమరిగి ఇగిరిపోతి..ఉత్సవమే ఇపుడంతా..!
హాయి తూచు తక్కెడెలా..ఉంటుందో ఈ జగాన..
నీ ప్రేమన తేలిపోతి..ఉత్సవమే ఇపుడంతా..!
