గ్రంథాలయం
ప్రొఫైల్
ముద్దంటా
ముద్దంటా
1 min
1
నీ తోటన ఆడుకునే..నా మనసే ముద్దంటా..!
నీ పేరే తలచుకునే..నా మనసే ముద్దంటా..!
ఈ క్షణమే నిజమనేది..రుజువైనది నీ దయతో..
నన్నునేను చెక్కుకునే..నా మనసే ముద్దంటా..!
కత్తి మీద నడకేగా.. అనుక్షణం అడుగడుగున..
చిన్ని ఆశ నిలుపుకునే..నా మనసే ముద్దంటా..!
నీ మౌనం ప్రేయసిగా..అల్లుకుంది ఈ గుండెను..
లేఖలలో నింపుకునే..నా మనసే ముద్దంటా..!
నా క్షేమం కోరుకునే..నీకన్నా నేస్తమెవరు..
నీ ప్రేమను పాడుకునే..నా మనసే ముద్దంటా..!
నిత్యమైన నీ ప్రేమను..ఇంతంటూ చూపనెలా..
ప్రాణంగా చూసుకునే..నా మనసే ముద్దంటా..!
