వినాయక

విఘ్నాల మధ్య వెలుగైన వినాయకుడు… 🪔🐘

మట్టి ముద్దగా వచ్చి…
మనిషి మనసులో దేవుడై నిలిచావు,
చిన్న గరికపోచను స్వీకరించి…
పెద్ద పెద్ద బాధలకు ఓదార్పయ్యావు.

కోరుకున్నది దొరకకపోయినా
కుంగిపోని మనసును ప్రసాదించు,
కలలు దూరమవుతున్నా
వాటిని వెంబడించే ధైర్యాన్ని ప్రసాదించు.

దారులు మూసుకుపోయినప్పుడు
కొత్త దారి చూపే జ్ఞానమివ్వు,
మనుషులు దూరమైనప్పుడు
మనలో మనమే నిలబడే బలమివ్వు.

మోదకంలా తీయని మాటలు,
గరికలా స్వచ్ఛమైన మనసు,
నీ తొండంలా అడ్డంకులను తొలగించే శక్తి,
నీ ఆశీర్వాదంలా జీవితమంతా వెలుగు కావాలి.

విఘ్నాలను తొలగించడమే కాదు గణపయ్యా…
విఘ్నాలే మన విజయానికి మెట్లని
అర్థం చేసుకునే జ్ఞానం కూడా మాకు ఇవ్వు.

🌺 గణపతి బప్పా మోరియా…
మంగళమూర్తి మోరియా! 🙏🐘