తనువు

ప౹౹

నువ్వొస్తావని నువ్వొస్తావని ఎదురు చూసాను

కవ్విస్తావని కవ్విస్తావని వలపే ఎదను దాచాను |2|

చ||

ఎంత సౌఖ్యమో ఎడదనే మీటిన సుఖ క్షణాలు

అంత భాగ్యమే అమర్చినే దీటుగా ఆ లక్షణాలు |2|

మదికి స్వాంతనమే మరల మరి కూర్చే వీక్షణం

ఎదను ఎలిమే వెంటనే నింపెగ ఆ వలపు తీక్షణం |ప|

చ||

కావ్య నాయికవై నవ్య రూపంతో నీ వరుదెంచగా

దివ్య వాహికవై రసరమ్య పూజల్లు కురిపించగా |2|

ఎడారి చినుకే ఎలబారి ఎద మొత్తమే ముంచగా

కటారి పలుకే కలహంస కులుకై ప్రేమనే పంచగా |ప|

చ||

ఎక్కడో గుండెలో ఏమూలో చిత్రమై గుచ్చుకొందే

అక్కడే నిండుగా మరులు మాలికలై విచ్చుకొందే |2|

పులకించి మనసూ పురివిప్పే హేల అణువణువు

నడిపించి వయసూ కనుగప్పే ఆ కులుకు తనువు |ప|