తలపు

ప౹౹

దర్పమెందుకే ఎదలో గుట్టు విప్పేందుకు

సందర్భమేలే మదిలో మాట చెప్పేందుకు ౹2౹

చ౹౹

సరసానికి సరిగమలు నేర్పేటి చూపులు

విరహానికి విరుగుడే లేదనే ఆ తూపులు ౹2౹

చూసాక సోయుగం గడిపానులే యుగం

తెలిసాక తన ప్రేమ పంచాలిలే చెరి సగం ౹ప౹

చ౹౹

గుప్పెడంత గుండెలో కొండంత కోరికేనూ

ఇప్పుడంత వివరిస్తే వినలేరూ ఊరికేనూ ౹2౹

గుట్టుచప్పుడు లేని ప్రేమా గుణవంతమే

గట్టుదాటని కేరింతలూ ఇక పలవంతమే ౹ప౹

చ౹౹

తనువుకి కలిగేది తరుగులేని తన్మయమే

మనుసుకి ఆ మైకమే పెంచేది చిన్మయమే ౹2౹

చిన్నగా విప్పరాదా చిగురించిన వలపును

మెల్లగాచెప్పి మెప్పించరాదా ఆ తలపును ౹ప౹