తెరవాలని మది తలుపు !
తెరవాలని మది తలుపు !
రోజూ కొత్తకొత్త ఊహలతో
చెలిమది మీటాలనే నా ఆశలు ,
ఆమెను చూడగానే
ఉబ్బితబ్బిబ్బవుతూ అడుగులు .
ప్రేమగా పలికితే
పువ్వులా పూసే ముఖకవళికలు ,
కళ్ళలో ఆనందం ఒలికే
లేతవర్ణాల ఉషోదయకాంతులు .
ఊహించని ఆశ్చర్యంతో
గులాబీలు మొలిచే ఆమె చెక్కిళ్ళు ,
ఉత్సుకతను జోడించి
మీదికివాలు ఆ సొగసరి కురులు .
గిలిగింతలు రేగుతూ ,
ఊసులకు విశేషంగా స్పందిస్తూ
తళతళలాడు దుస్తులు ,
మెరుస్తూ బంగరు ఆభరణాలు .
ప్రేమపల్లవులకు హృదయం
పరవశించదా ఎప్పటికైనా అని !
మనసులు ఒకటై
మనమనే భావన కలగదా అని !!