తెలియవేమి
తెలియవేమి
జ్ఞాపకాల పూలతోట.. వేదించుట తెలియవేమి..!
లేని మరణయాతనలను..తొలగించుట తెలియవేమి..!
అసూయతో రగిలిపోవు..మనసే మరి శత్రువంటె..
ప్రతి కణమున పరమాత్మను..దర్శించుట తెలియవేమి..!
జీవితమొక ఆటలాగ..సాగాలని తలచేవే..
జరుగుతున్న నాటకమును..తిలకించుట తెలియవేమి..!
చాలినంత శక్తిలేకె..నీరసాలు చిరాకులోయ్..
శ్వాసమాటు చైతన్యం..పరికించుట తెలియవేమి..!
దేనికైన ఎవరికైన..బానిసయే పనే లేదు..
ఎఱుక అనే దీపమొకటి..వెలిగించుట తెలియవేమి..!

