సన్నిధి

ప_||

_{ఆమని ఓ ఆమని అలిగావా ఎదనే అడగాలని}

_{ఏమని తనే ఏమని చెప్పును తననే పొగడాలని |2|}

_చ||

_{కలికి మనసులో వలికి వెన్నెల వెలసే వర్ణాలుగా}

_{ఉలికి పడకే ఊరంతా చూడ ఓవింత తిర్ణాలుగా |2|}

_{సాయం సమయాన సంధ్య మయాన సయ్యాట}

_{న్యాయం నెరవేర్చ నెఱజాణ మదిలో కయ్యాట |ప|}

_చ||

_{తీపి గురుతులే తీరైన జ్ఞాపికలై నిలిచెలే మదిలో}

_{తీయని కోరికలే త్రీవ్రమై తిరుగాడే ఆ ఎదగదిలో |2|}

_{చెలికాడే చెంతకేగ చెలి పలుకే మారే సరాగమై}

_{నులి వెచ్చనీ కౌగిలే గిలి పెంచే పూల పరాగమై |ప|}

_చ||

_{అంతరంగమే పూలపున్నమై స్వాగతించే అలా}

_{స్వాంతనమే చేకూరగ చెలి మనసునే చేరెనలా |2|}

_{అంతకంతకు పెరిగే ప్రేమయేగ ఇద్దరికి పెన్నిది}

_{అనురాగం ఆశే పెనవేసే ఆ గుసగుసల సన్నిధి |ప|}