సంక్రాంతి శోభలు

సంక్రాంతి శోభలు.

(బాలపంచపదులు )

ముసురుకొన్న చీకటిపరదాలు

పసిడి వేకువ తొల్గించ తెరలు

దివాకరుని యశ్వాల పరుగులు 

భువిపై వెలుగు రేఖలు నింపగ

వచ్చెనానందాల వెల్లువ విజయా!/

భావి పథంలో జాతి పయనింపగ 

వాడవాడల వేడ్కలు జరుపంగ

మూడుదినాల ముచ్చటైన పండగ

పాడి పంటలు ధరలో వర్థిలంగ

ఆయురారోగ్యాల నీయగ విజయా!/

దేశానికి బువ్వపెట్టెడి రైతులు

ఆశతో వేచి చూడ నుషోదయాలు 

సైరికుల కీయ సస్యసంపదలు

పరుగున వచ్చె సంక్రాంతి శోభలు

మరిపించ కష్టనష్టాలు విజయా!/

జనుల హృదయాల నిండిన దిగులు

కనుమరుగయి కల్గు శుభములు

పల్లెపల్లెల విరిసే సంబరాలు

జల్లున కురిసే ఇంటింటా భాగ్యలు

స్వాగతించుదాము హాయిగా విజయా!//