సఖీ నీతో సల్లాపము

సఖి నీతో సల్లాపము..ఏ రీతిగ జరుపుదునో..! 

నీ తలపుల చిత్రపటము..ఏ రీతిగ గీయుదునో..! 

తడబడు నా పెదవులింటి..సరిగమలే మూగబోయె.. 

ఎగసిపడే నా హృదయము..ఏ రీతిగ చూపుదునో..!

వ్రాయరాని భాషలేవొ..నీ కనులకె తెలియునేమొ.. 

నీ చూపుల మధుగీతము..ఏ రీతిగ పాడుదునో..! 

మౌనములో గాకుండా..మాటాడుట తెలియదాయె.. 

తాళలేని ఈ విరహము..ఏ రీతిగ తెల్పుదునో..! 

దరిచేరగ పరుగులిడే..ముచ్చటలో మనసుండునె.. 

నా భావనకో శిల్పము..ఏ రీతిగ చెక్కుదునో..!

అల్లుకున్న మధుబాలా..తూచలేను నీ దయనే.. 

ఏ జన్మకు నీదు రుణము..ఏ రీతిగ తీర్చుదునో