శ్రీనాథుడు

1.

సీసము.

చిఱుతప్రాయంబున శ్రీనాథ కవిరాజు 

కావ్యముల్ రచియించి ఘనతకెక్కె 

కంచుఢక్కను గొట్టి కనకాభిషేకంబు 

పొందినాడానాడు పుడమి మెచ్చ 

సారసత్వ సభలో సార్వభౌమపదవి 

కూడగట్టుకొని తాన్ కొలువు తీరె 

వివిధసీమలఁ గెల్చి విజయుడై నిల్చుచు 

సౌఖ్యంబుల దవిలి సంతసించె.//

తేటగీతి.

గండపెండేరముఁ దొడిగి పండితుండు 

సంస్కృతాంధ్రకన్నడములన్ శాస్త్రరీతి 

నభ్యసించిన కవివరుడాంధ్రమాత 

పాదములఁ బట్టి కొల్చెను భక్తిమీర.//

2.

సీసం.

పరమేశు చరితముల్ వ్రాసిన కవిరాజు 

నైషధంబును జెప్పి నేర్పరిగను 

భోగభాగ్యంబుల భువిలోన స్వర్గంబు 

కాంచిన మేటియా కవివరుండు 

ముదుసలి వయసున మోయుచు భారంబు 

పేదరికంబులో భీతినొంది 

పలుతెఱంగుల వేడి పరమాత్ముని గొలిచి 

దివికేగినాడు యా ధీవరుండు.//

తేటగీతి.

భారతీ దేవి పుత్రుడై భాషయందు 

కీర్తిశిఖరాల నందెను స్ఫూర్తి నొసగు 

ఘనుడు శ్రీనాథ కవిరాజు గాథ వినుచు 

ప్రణతిఁ జేసితి నా తెల్గు పండితునికి.//