రావా ! అందజేయవా !

ఎన్నాళ్ళైందో కంటినిండా నినుచూసి ,

విరహంతో వేగుతున్నా తలచిన ప్రతిసారీ !

సందేశాల వెల్లువ ఎంతగా ఓదార్చినా ,

చెంతన లేవనే చింతే నాకనుదినం .

వేవేల మతాబులు ముంగిట్లో వెలిగినా ,

ఎగిరే పతంగులతో ఆశలెన్ని కలిగినా

మిణుకుమిణుకుమనే నక్షత్రమే నీవు ,

రాయే హృదయమై ధ్యానించే నేను .

నీవు ప్రత్యక్షమైతేనే నాకు శుభోదయం ,

చిలుకలా పలికితేనే ఆనందోదయం .

కళ్ళు మెరుపులను చిలికితే తన్మయత్వం ,

ఎర్రని ఆ పెదవులు ప్రేమగీతం పాడితే

రోజంతా నాలో మైమరచిపోయే తత్వం .

నీలో యువరసాలొలికే బ్యూటీ రష్మిక ,

ఓరచూపులు ఏరులా పారే నటి హన్సిక .

నీవు తరలివస్తే హుషారులు ఉప్పొంగే ధాత్రి .

ఎదురై వస్తే సంబరాలే జరిగే వెన్నెలరాత్రి .

రావా ! నీ కరకమలములను అందజేయవా !