ప్రకృతి
ప్రకృతి
నింగి వాకిట వెలుతురు కల్లాపి చల్లుతూ
తూర్పు కొండల నడుమ సూర్యుడు
నవ్వుతూ కదిలొచ్చిన వేళ
నిద్ర దొంతరలను విదుల్చుకుని
ప్రకృతి పురివిప్పి నాట్యమాడుతూ
ఉషస్సును ఉద్వేగపడేలా చేస్తోంది
ఆమని రాకతో అవని గుమ్మ
ఆకుపచ్చ కోకను చుట్టుకోగా
వెచ్చని అరుణోదయ కిరణాల తాకిడికి
మేఘాలన్నీ అంబరం చాటుకి చేరిపోగా
కోయిలమ్మ చేసే సరిగమల సాధనలతో
పుడమి అంతా సరికొత్త శోభను సంతరించుకుంది