ప్రేమను పెంచావ్ ! ❤️
ప్రేమను పెంచావ్ ! ❤️
ఎగిరే పక్షులతో ఆకాశం ,
పెరిగే మొక్కలతో భూమి సువిశాలం .
వీటిలో రోజూ ఎన్నోమార్పులు ,
మనిషి మనుగడకవి
సహజంగా ప్రేరణయ్యే కూర్పులు .
ఏవి లేకున్నా నిట్టూర్పులు ,
రాకకోసం ఆశగా ఎదురుచూపులు .
అదేకదా అవినాభావ సంబంధమంటే ,
పర్యావరణంతో ఏర్పడే ప్రేమంటే !
నీవు కొమ్మమీది పూవైతే ,
నీ మాట చిందే మకరందం .
నీవు కదిలే మేఘమైతే ,
నీ ప్రేమ అది కురిపించే వర్షం !
అందుకే ఈరోజు ...
నీవింకా కనిపించలేదనే నా ఆవేదన ,
అక్షరాల్లో ఇలా స్పందన నీకు నివేదన .
నవ్వుతూ పలకరిస్తే ,
పులకించదా అపురూపమైన నా ప్రాణం ,
కలవరించదా మది
అందుకుని పరవశించాలని నీ వలపుబాణం !
నీదీ ఆ ఆశే లే .
నాకోసం వేచి వేచి , బంధనాలను తెంచుకుని
ఏతెంచావ్ !
మనమధ్య ప్రేమను పెంచావ్ !!