ప్రేమకానుక
ప్రేమకానుక
నిజంగా అదృష్టమే
నీలాంటి మనసున్న వారితో పరిచయం .
నాకళ్ళెదుట ఓ మెరుపులా
ఆనాడు అది మరపురాని శుభోదయం .
స్వప్నసుందరివై రగిలించావు
మధురానుభవాలకు నాలో ప్రేమావేశం .
అందమైన గులాబిలా
నా హృదయంలోకి జరిగింది నీ ప్రవేశం .
నీతో వేసిన ఒక్కో అడుగు
మున్ముందుకు నడిపించిన ఒక గెలుపు .
పట్టుకున్న గొడుగు
విన్నది నీ ప్రేమను రంగరించిన పిలుపు .
నేటికి మనప్రేమ
పెళ్ళిగామారిన ఉత్సవానికి పన్నెండేళ్ళు .
కోరుకుందాం
ఆనందంగా జరుపుకోవాలని వందేళ్ళు .
అందుకో
నా ప్రేమకానుకను ఈ శుభసమయాన .
పంచుతూనే ఉండు
మధురిమలను ఇలాగే ప్రతి తరుణాన !