పండించే ప్రేమ నీది
పండించే ప్రేమ నీది
ఈ తప్పని వెతుకులాట..మధురమనే చెబుతాలే..!
ఊహమాటు నీ రూపం.. పదిలమనే చెబుతాలే..!
ఈ కన్నుల ఆరాటం..పండించే ప్రేమ నీది..
నిను కలవక ఈ ఊపిరి..వ్యర్థమనే చెబుతాలే..!
ఈ గాలికి ఆ నిప్పుకు..లంకె ఎలా కుదిరిందో..
చిత్రమైన ఈ కల'యిక..దివ్యమనే చెబుతాలే..!
నదులన్నీ కడలి చేరి..రుచిని ఎలా కోల్పోయెనొ..
ఒక సమర్పణమే నిజం..సౌఖ్యమనే చెబుతాలే..!
గొడవంతా ఈ 'నేను'ను..తృప్తిపరచు ముచ్చట కద..
అహంకార దర్పణమది..అడ్డమనే చెబుతాలే..!

