నువ్వొచ్చావని..

ప౹౹

 నువ్వొచ్చావని నువ్వొచ్చావని మనసే తెలిపింది 

మనసిచ్చావని మనసిచ్చావని సొగసే కలిపింది ౹2౹

చ౹౹ 

ఆరుబయట వేచి ఎదురుచూపులతో ఉన్న నాకే

 ఊరుబయట చూసి ఆ ఊసూ మోసు కొచ్చినాకే ౹2౹

తేరపార చూసాక తెగువతో తెమ్మెర గోల చేసాక 

తెరవెనుక మానసం తెరుచుకొని పూవై విరిసాక

౹ప౹ 

చ౹౹

 అల తీరం చేరి కానరాక మరి అదృశ్యమైనటులే 

కల ఊహలు కలసిపోయి కలవరం పెంచినటులే ౹2౹

ముదిరిన ముచ్చటలన్నీ ముద్దుచేసి మురిపించ

 చెదిరిన జ్ఞాపకాలను చేరదీసీ ఆశలన్నీ కలిపించ

ప౹ 

చ౹౹ 

ఏనాటి బంధమో విడిపోని సంబంధమే కలపవా

 నానాటి అందమే నాజూకై సన్నద్దము తెలుపగా ౹2౹

కురిసిన భావాలే కులుకులై మనసున పూయగ 

చేరవేసిన చెలిమి పలుకులై కోయిలగా కూయగ ౹ప౹