నీ ఊహల మధుమే

నీ ఊహల మధువేమో..దాచలేను ఎలాగిపుడు..!

ప్రేమగొడవ లేఖలలో..వ్రాయలేను ఎలాగిపుడు..!

నీకేంలే మౌనంగా భలే..హాయిగా ఉందువు..

తొందరపడు ఈ మనసును..నిలుపలేను ఎలాగిపుడు..!

ఉపాయంగ నువ్వైతే..ఊరిస్తూ ఉంటావే..

కలవరపడు ఈ వలపులు..కాచలేను ఎలాగిపుడు..!

చిలిపితనపు చిరునామా..దాచినావు నీ నవ్వుల..

అడ్డమైన విరహాలను..ఓపలేను ఎలాగిపుడు..!

స్నేహగంధ మంటేనే..మనబంధం ఎవరికెఱుక..

అల్లరింటి తాపాలను..చూపలేను ఎలాగిపుడు..!