ఎవరి కోసమూ
ఎవరి కోసమూ
ప్రాణం ఉన్నప్పుడు నాలుగు మాటలు
చెప్పలేని మీరు ప్రాణం లేని నా ముందు
రాల్చే కన్నీటి చుక్కలు ఎవరికోసం...
నాతో కలిసి నవ్వలేని మీరు నా ఊపిరి
ఆగాక ఆ నడక అంత దూరం ఎవరికోసం...
కడుపు నిండా నాలుగు మెతుకులు
పెట్టడానికి ఆలోచించే మీరు నా చిత్ర
పటం ముందు పంచ భక్ష పరమాన్నం
ఎవరికోసం...
మంచిగా బతకలేక అందరి దగ్గర
మంచి అనిపించుకోవడానికి అన్ని
వేషాలు ఎవరికోసం...
