నీ పాదాలమీది ..!
నీ పాదాలమీది ..!
నను ప్రేమించానను మాట
ఈరోజైనా చెప్పైవా ,
జన్మజన్మలకూ నిన్నే తలుస్తూ బ్రతికేస్తా !
ఆ చూపులు చిలికే చల్లనివెన్నెల ,
పెదవులు పలికే జున్నులా .
మన మనసులు కలిసేందుకు కావాలేమిక ?
చెప్పైవా అందుకే
ప్రేమిస్తున్నానని ఆలస్యం ఏమాత్రం చేయక !
నేనెపుడో పంపా నా లేఖ .
ఆతృతగా చూస్తున్నా జవాబే రాక !
పువ్వులు పూసేను
పరిమళాన్ని పంచి ఉల్లాసపరచాలని ,
జాబిలి వచ్చేను
ప్రేమికులు కలసి విహరించాలని !
ఎన్ని పున్నములు విరిసినా ,
లెక్కకు మిక్కిలి పక్షులు
ఆకాశాన్ని అందంగా అలంకరించినా ,
నీ ప్రేమ ఓ రూపును దాల్చకున్నదే ,
ఉప్పొంగి నన్ను ముంచకున్నదే !?
నీ ముంగురులు నేనై చూపులను అడగనా ?
పాదాలమీది అందేలనే అయి సవ్వడి చేయనా !?