నిదురించని..

నిదురించని నా మనసులోనికి అనుకోకుండ

కదిలించే భావమొకటి చేరింది తెలియకుండ

తొలివెలుగు ఉదయాన తెలి మంచు జాడలో

అలి కూజితమే విని ఆలాపన అంచు నీడలో

అంబరమే అందిన సంబరమే తనువణవున

ఆడంబరమే అలలుగాచేరెను అణవణువున

నిదురించని నా మనసులోనికి అనుకోకుండ

కదిలించే భావమొకటి చేరింది తెలియకుండ

పెరిగే విరహాన పెను గాలమే వేసే ఓ బంధమే

జరిగే క్రతువు ఆజన్మాంతరపూ అనుబంధమే

పరవశించే పకృతి ఆమనై దిగి వచ్చినట్లుంది

వికసించే నవ్వుతో ఆమెనే......చూసినట్లుంది

కనుల ముందరే కోరిన స్వప్నం సాక్షాత్కారమే

వీనుల చేరిన రాగం ఎద అంతకూ సత్కారమే

నిదురించని నా మనసులోనికి అనుకోకుండ

కదిలించే భావమొకటి చేరింది తెలియకుండ

తొలివెలుగు ఉదయాన తెలి మంచు జాడలో

అలి కూజితమే విని ఆలాపన అంచు నీడలో

కానరాని కాంక్షితమే అల్లెతాడులుగా అల్లగా

మానరాని మక్కువే మమతలన్నీ వెదచల్లగా

కానరాని కాంక్షితమే అల్లెతాడులుగా అల్లగా

మానరాని మక్కువే మమతలన్నీ వెదచల్లగా

అంబరమే అందిన సంబరమే తనువణవున

ఆడంబరమే అలలుగాచేరెను అణవణువున

నిదురించని నా మనసులోనికి అనుకోకుండ

కదిలించే భావమొకటి చేరింది తెలియకుండ