మర్యాద

మర్యాదను మర్యాదగ..కాపాడుట మర్యాద..!

సంస్కారపు గంధాలను..వదిలేయుట మర్యాద..!

ఎంత రామచంద్రుడైన..మన్నించె గురువాక్యం..

తన ధర్మము తెలిసిసరిగ..పాటించుట మర్యాద..!

ఎవరెవరికి నేర్పలేరు..ఏ మనసును బంధించి..

సత్యమెరిగి శాంతముగా..మాటాడుట మర్యాద..!

మనసుపడే ముచ్చటయే..వికారాల జాతరోయ్.. 

పరిమళించు మల్లియలా..జీవించుట మర్యాద..! 

ఏ గులాబి పూవైనా..రాలి మట్టి కలియునా..

రాజసమది ఎంతైనా..విడనాడుట మర్యాద..!

తలిదండ్రుల గౌరవించు..బిడ్డలెంత ధన్యులో..

పెత్తనం చెలాయించక..మసలుకొనుట మర్యాద..!