మజలీ

ప౹౹

ఓ యాత్రికుడా ఆగవోయి ఒకసారి

ప్రియురాలు పిలిచే తలచి ఈ సారి౹2౹

చ౹౹

కనిపించలేదా ఆ కళ్ళలోని ఆకాంక్ష

తొలగించలేవా నీలో మదిలో ఆంక్ష ౹2౹

వేచిన ప్రతిసారి మిగిలేది వేసారులే

చూసినా ఓక్షణం పెంచే హుషారులే ౹ప౹

చ౹౹

పథికుడా చూడు లేత హృదయాన్ని

రాలిన ఊహల్నీ ఎంచు ఉదయాన్నే ౹2౹

రాక వచ్చిన రాత్రి మజలీ రాణించనీ

కోరిక అనుభూతి ఎదలో పూరించనీ౹ప౹

చ౹౹

బాటసారి వలపు బాటనే వరించేయి

మరోసారి వేదనే మిగల్చక సరిచేయి ౹2౹

నిదురించక మునుపే ఆనింగి జాబిలీ

ఎదురైన జవరాలితో పండనీ మజలీ ౹ప౹