మధుర జ్ఞాపకం
మధుర జ్ఞాపకం
గడిచిన కాలం రేపిన గాయాలను
తలుచుకుంటూ కూర్చుంటే
రాబోయే రోజులు సుఖవంతమౌతాయా!
నిప్పుల్లా చెలరేగిన ముప్పులు
మంచు తాకిడికి ఆరిపోయి
స్వచ్ఛమైన నవ వత్సరం
మొగ్గ తొడిగి వికసించే పుష్పం కావాలి
మానవ జాతి మనుగడకే
ముప్పు కల్పించిన
కరోనా మహమ్మారిని
తరిమికొట్టిన శాస్త్ర విజ్ఞానపు
విజయ దుందుభి మోగాలి
కడుపు నింపే రైతన్న
కడగండ్లు ముప్పేటలా
తొలగి నవకాంతుల
హాలికుడు దర్శనమీయాలి
ఇడుముల ఇరవై రెండు
ఒక పీడ కలగా ఇబ్బంది పెడితే
చిగురించిన కొత్త ఆశలకు
మధుర జ్ఞాపకంగా ఇరవైమూడు
మచ్చ లేని మహారాజుగా నిలవాలి