మానవత్వం
మానవత్వం
1 min
440
నిలిచి వుందా మంచితనం
ఏం కలికాలమో ఇది
చిత్రమైన రోగాలు
విచిత్రమైన వైరస్ లు
మనిషికి మనిషికి మధ్య
దానవత్వపు దడి కట్టి
దయార్ద్ర హృదయాల్లో
స్వార్థపు వేళ్ళు
వటవృక్షంలా పెరిగి
కనీస విలువలు సైతం
మృగ్యమై మృగమై
విశృంఖల విపరీతాలతో
వికృతంగా మారుతూ
ఓ అదృశ్య శత్రువు తో
నిశ్శబ్ద యుద్ధం చేస్తున్నాడు
నీ గుండె కుహరం లో
మత్తుగా నిద్రిస్తున్న
మంచిని తట్టి లేపు
మానవత్వం నిలిచే వుందని
గోరంత నీ పలకరింపుతో
కొండంత మనోధైర్యం నింపి
మానవత్వం చాటుకో