మాధవుడు

ప్రాసాక్షరి.

సససస, తతతత, మమమమ /

ఉత్పలమాలలు /

*మాధవుడు*

2.

వేసట కల్గివేడుకొన వేదన మాన్పగ నిల్చు బంధువై 

దాసవిభుండు మాధవుడు దాంతుడు దైన్యవినాశకుండుతాన్ 

హాసము చిల్కుచుండె ఘనమౌ శిఖి పింఛ విలాసశోభతన్

వాసనలన్నియున్ దొలగు భక్తిగ పట్టిన వానిపాదముల్ /

2.

ఆతడె పద్మనాభుడట నాడుచు నుండెను గొల్లవానిగా

మాత యశోద యంచు కడు మన్నన చేయు వినమ్రశీలిగన్

భ్రాతట రేవతీ పతికి భక్తిగ సేవలుసల్పి పొంగుచున్ 

దాతగ సర్వమిచ్చి పరితాపము తీర్చును భక్తకోటికిన్ /

3.

ఆమని వేళలన్ సరసి కావల యొడ్డున సైకతంబులో

భామలకూడి యాడునట వన్నెల చిన్నెల పోటుగాడు మా

కామములెల్ల దీర్చువాడు కైటభహారి యశోధనుండు తాన్

సేమము నిచ్చువాడు సరసీరుహనేత్రుడు సుప్రకాశుడై //