కవితా పూరణం

29.02.2020 నాటి  : కవితా పూరణం .

 దత్తపాదం  : " తనువు లేదట చిత్రమే యువ తంత్రులన్ మఱి మీటేడిన్ "

పూరణం : 

వినుము రసరమ్య శృతి కీర్తనల్ స్వరతరంగ లహరున్ {దేలు}

గనుము అశరీరవాణి సుందర సుమధుర గాత్రములన్  

కినుక వహించకవాయిద్యయంత్ర సమ్మేళనబాణీలకున్ 

తనువులేదటచిత్రమే యువతంత్రుల( మఱి మీటేడిన్ || 

ప్రతిపదార్థము మఱియు భావము : 

1. వినుము= వినండి ; 2. రసరమ్య = రమ్యమైన రసములతో నిండిన 

3. శృతి కీర్తనల్ = శృతి లయ బద్ధమైన కీర్తనలను / పాటలను 

4. స్వరతరంగా లహరులన్ = స్వరములచే కదిలేదు అలల ప్రవాహములపై తెలియాడెడు ; 

5. గనుము = చూడండి. ; 6. అశరీరవాణి = ఆకాశవాణి ; 

 7. సుందర , సుమధుర = అందమైన , మధురమైన ;

 8. గాత్రములచే = రాసాడోలలూగించు గొంతుకలతోని ; 

 9. కినుక వహించక = విసుగు చెందక/ కోపమును తెచ్చుకొనక 

10. వాయిద్య యంత్ర = వివిధ సంగీత పరికరములు ;

11. సమ్మేళనం = స్వర సంయోగమున ;

 12. బాణీలకున్ = రాగములచే అలవరుసలా పదలయ విన్యాసములకున్ 

 13. తనువు లేదట = శరీరము కనిపించకుండునట 

 14.చిత్రమే = ఆశ్చర్య కరమైన విషయమే ;

 15. యువ తంత్రులన్ = నూతన- వాయిద్యములకు ఉండే తీగలను 

 16. మఱి మీటేడిన్ = మరల మరల స్వరాలను పలికించే క్రమములోనిదని ఈ దత్త పాదము యొక్క భావము .

          ################## .