కొత్త వాతావరణం

ప౹౹

కాపాడుకొందామ అందరం పర్యావరణం

పాడుచేసుకుందామా౼మిగిలేది ఓ రణం ౹2౹

చ౹౹

భూగోళంలో ప్రతిదీనూ మితమూ కనుక

ప్రతీ గళం విప్పి వివరము చెప్పాలి ఆనక ౹2౹

గాలి కాలుష్యాన్ని అదుపులోన ఉంచాలి

కాసారపు నీటి శుభ్రతనూ బాగా పెంచాలి ౹ప౹

చ౹౹

మానావాళి ముప్పునే ముందే గ్రహించాలి

జనావళి క్షేమానికి భాధ్యతను వహించాలి ౹2౹

ప్రమాదకరమైన ప్లాస్టిక్ ను పరిహరించాలి

ప్రమోదకరమైనవి వాడేసి సహకరించాలి ౹ప౹

చ౹౹

విషరసాయనాలను పంటలకు ఆపేద్దాము

మిషన్ నూనెలను మిగులుగ వదిలేద్దాము ౹2౹

పాత పధ్ధతులకు మరల తరలే వెళదాము

కొత్త వాతావరణాన్ని మనము సృష్టిద్దాము ౹ప౹