కనుపాపల్లో ..!
కనుపాపల్లో ..!
తెలుగు పడుచు వలె ఉన్న ఆమె ,
తనముందే తిరిగే
అతనిని రోజూ చూస్తుంది .
నీలిమేఘశ్యాముడిలా ముఖం ,
ప్రకాశవంతమైన కనులద్వయం .
ఇంపైన వస్త్రధారణ ,
రాకుమారుని నడక .
ఔన్నత్యాన్ని ఒలికించే మాటతీరు ,
సభ్యత కలిగిన వానిజోరు .
ఆమెను ఆకట్టుకున్నాయి .
సూర్యుని లేలేత కిరణాల వలె ,
జాబిలి చల్లని వెన్నెల ఓలె ,
ప్రశాంతమైన సాగర అలల వలె ,
నదిలోని స్వచ్ఛమైన నీటి ప్రవాహం ఓలె
అతనితో జీవితం సాగుతుందని
భావించిన ఆమె , అతనిని
గాఢంగా ప్రేమించింది ;
ఒకరోజు ఆమె స్వప్నం సాకారమైంది .
ఇరువురి వలపు కలగలుపుగా
చూపరులకు ముచ్చటగొలిపింది ;
కనుపాపల్లో ఒకరికొకరి రూపం ,
ఆనందభాష్పాలను నింపింది .
******************