కలిగించకే

ప౹౹

కలిగించకే కలవరము కనిపించి నా ముందు

వెంబడించకే యోచన వెలిగించి మది నందు ౹2౹

చ౹౹

మనసులో మంటలే పెంచే మరులన్నీ కలసి

ధనసులా దరిచేరి ఎలమి గురి బాగా తెలసి ౹2౹

తనువు తమకం తీర్చ తామసమేల తరుణి

అనువు కాదనక అందించివా వలపు వారిణి ౹ప౹

చ౹౹

స్వాగతించనూ సమయమే స్వాధీనపరచనే

స్వగతం ఆలకించి ఆ ఎడద కుదుటపరచనే ౹2౹

మననమేలా మరలా ఆ మార్పు చేర్పులతో

జననమే ఆ ముసిమితో కూర్చే కూర్పులతో ౹ప౹

చ౹౹

కోరికై కౌగిలించి ఆశలా చిగుర్చి నినదించవా

తీరికాచేసి తీయని కబురే నాకు వినిపించవా ౹2౹

మరిచిపోని జ్ఞాపకాన్ని మనకూ మిగల్చలేవా

మరీచకను ప్రేమ పచ్చికతోనే తొలగించలేవా ౹ప౹