'హరీ!'శతకపద్యములు

'హరీ!'శతకపద్యములు.

31.

ఉత్పలమాల.

జోజొ ముకుంద!యంచు దలి జొబ్బిలు ప్రేముడి నిద్రబుచ్చ నీ

తేజపు రూపమున్ గనుచు దేవత లెల్లరు సొక్కుచుండి నీ

పూజలు సల్పితాము బహు పుణ్యముఁ బొందిరి శేషశాయి!నీ

భ్రాజితమౌ పదంబు గన భక్తిగ వేడితి నయ్య!శ్రీహరీ!//

32.

ఉత్పలమాల.

మన్నును మ్రింగి విశ్వమును మాతకు జూపిన దివ్యరూప!నిన్

గన్నుల గాంచు వారలకు కామ్యము లన్నియు తీరిపోవు సం

పన్నత తోడ గేహములు వర్థిలుచుండ శుభంబు కల్గుతన్

జెన్నుగ నీపదంబులకు సేవలు సల్పెద నిష్ఠగన్ హరీ!//