'హరీ!'శతకపద్యములు

'హరీ!'శతకపద్యములు.

29.

చంపకమాల.

అదనుగ నేర్పగన్ జనుల కాత్మనిగూఢపరార్థతత్త్వమున్

ముదముగ జన్మ నొందితివి ముద్దుల బిడ్డగ గోకులంబునన్

యదుకుల దీప్తివై మునుల కాప్తుడవై చరియించితీవు నీ

పదములె దిక్కునాకు తనివారగ గొల్తు తరించగన్ హరీ!//

30.

ఉత్పలమాల.

 చక్కగ క్షీరమున్ గుడిచి జాణ నెఱింగి చెలంగి యాడుచున్ 

రక్కసి పూతనన్ దునిమి లావును జూపిన గోపబాలుడా!

మిక్కుట మైన ప్రేమమెయి మేలుగ దెచ్చితి భక్తి క్షీరమున్ 

 తక్కిడి సేయనయ్య!నను దగ్గర దీయుచు బ్రోవుమా హరీ!//