హోళి

ఫాల్గుణ పౌర్ణమి పర్వ దినము

హోళికా వసంతోత్సవసంబరము

వర్ణమయమగు జల సందోహము

వేడుకల విహారము విజయ

సామరస్య భావనా మయము

నీమ నిష్ఠలతోడ జీవనము

కామారియే నిడ శుభానుగ్రహము

తామసత్వానికి చరమ గీతము

వేడుకల విహారము విజయ

త్యాగ బుద్ధితో మెల్గుచు జనము

సాగుచుండగా ధర్మ బద్ధ పథము

జగమంతయు ప్రేమ మయము

మిగలదులే కష్ట నష్ట కాలము

వేడుకల విహారము విజయ.

సౌభాగ్యములు పంచెడిదీ హోళి

దుష్టత్వముపై విజయమీ హోళి

కలివిడితనము నేర్పునీ హోళి

కలకాలము ప్రేమలు నిల్పెడి హోళి

వేడుకల విహారము విజయ

పిల్లల పెద్దల పండుగ హోళి

ఇంటింటా రంగులు జల్లెడి హోళి

వాడ వాడలా సందడించెడి హోళి

రాధాకృష్ణుల రాసకేళి హోళి.