గోపబాలుడు

గోపబాలుడు

మత్తకోకిల/

గోపబాలుడు జన్మనొందెను గోకులంబున శూరుడై

దీపమై వెలుగొంది నాడిల ధీరుడై జగమేలగన్

గాపు గాయుచు భక్తకోటిని కామితంబులు తీర్చగన్

బాపరాసులు దగ్ధమౌకద బాల కృష్ణుని మ్రొక్కగన్.//

మత్తకోకిల /

పాపి కంసుని సంహరించిన బాలుడీతని నామమున్

దాపసుల్ కడు భక్తిమీరగ తల్చుచుందురు నిత్యమున్

దాప మంతయు దొల్గ జేయుచు ధర్మమార్గము చూపునా

శ్రీపతిన్ మది యందు నిల్పిన చేర వచ్చును బంధువై //

ధ్రువకోకిల /

పరమపావనమూర్తి పాదము పట్టికొల్చిన శ్రద్ధగన్

దొరకునాపరమాత్మ సన్నిధి దోషముల్ నశియించగన్

జిరయశంబును కల్గి భక్తులు చేరుకొందురు మోక్షమున్

తరలి రండిటు!బాల కృష్ణుని దర్శనంబును కోరుచున్.//