గోడు
గోడు
ప౹౹
గోడొకటుంది చెప్పు కోమంటావా గోముగా గొడవొకటి లేకుండ వినుకుంటావా ప్రేమగా ౹2౹
చ౹౹
చిలికి చిలికి గాలివానే చిన్నదాని వలపులో
కలికి మనసే కాఠిన్యమే చూడనే తలపులో ౹2౹
ఎదను మొత్తం ఎరుకపరచి వేడుకున్ననూ
కథను సాంతమే వినదే విని కనికరించనూ ౹ప౹
చ౹౹
ఊసులన్నీ సందేశాలుగా పంపినా ఉలకదే
ఆశలన్నీ కలబోసి అనువదించినా పలకదే ౹2౹
వినిపించిన వివరాల వివరమే ఆడగదుగా
కనిపించని నవ్వొకటి నవ్వేసి పోతుందిగా ౹ప౹
చ౹౹
మనసంతా మర్కటమాయే మాటాడలేకా
వయసంతా ఊరకనే ఉందిగ ఆటాడాలేకా ౹2౹
ఏమేమి చెయ్యాలో చెప్పరాదా ఓ జాబిలి
ప్రేమలోన గెలిచెసి తప్పించనూ ఈ ఉబిని ౹2౹