ఎన్ని దారులో
ఎన్ని దారులో
ప౹౹
ఎన్ని దారులనో నడవాలి ఎడారిని దాటేందుకు
కొన్ని కలలైన కనాలి ఎదనే ప్రేమగ మీటేందుకు ౹2
చ౹౹
రేపు కూడా నిన్నేలే ఎంచిచూసిన ఆ ఎల్లుండికి
ప్రేమలో తావు లేదులే ఎన్నడూ మరి మొండికి ౹2౹
వాయిదాలు చెప్పక వచ్చి నిలుపు నీ మర్యాదే
ఖాయిలాలేని వలపే నీదని తొలగించు ఫిర్యాదే ౹ప౹
చ౹౹
వలపు గుర్రం ఎక్కాకను తానలపునే ఎరుగునే
తలపు స్వర్గం తలుపు తొలగి మైకం పెరుగునే ౹2౹
ఎన్నాళ్ళీ ఈ తీయని బాధ తీర్చగా నీవు రావా
కన్నీళ్ళే కనపడని మదనమే ముదమునే తేవా ౹2౹
చ౹౹
మనసులో యోచనే ప్రేమ యాచన మరి కోరద
వయసుతో పెరిగే ఆ కోరికేదో ఇప్పుడైనా తీరద ౹2౹
వేసారిన మదిలో ఎండమావిని ఇక తొలగించు
కాసారంతో ఎదలు కలుప జాగేలనో కౌగలించు ౹ప౹