ఏం చేస్తారు?

ప౹౹

నేనే నాయకుడినైతే నేనే నాయకుడినైతే

ఇక ఏ పొరపాటు లేదోయి కుడి ఎడమైతే ౹2౹

చ౹౹

మాటలనే కోటలనే దాటించేస్తాగ తేలికగ

మాతృ భాషను మానిపించేస్తాగా ఏలికగ ౹2౹

అమ్మ భాషను అవమానిస్తాగ ఏంచేస్తారు

కమ్మని పలుకే కనపడనీయనుగా చస్తారు ౹ప౹

చ౹౹

ప్రశ్నించావంటే పనికట్టుకొని నీపనిపడతా

కట్టించావంటే ఆ భవంతులనే పడగొడతా ౹2౹

కులమతాల కుమ్మలాటలు చాలా పెడతా

తిలాపాపమే తలా కాస్తా పంచి చూపెడతా ౹ప౹

చ౹౹

అయిన వారిని అదిలించి ఆకులే వేస్తాను

కాని వారికి కంచాలలోనే పెట్టి అందిస్తాను ౹2౹

నాయకుడంటే నేనే అని ఊదరగొట్టిస్తాను

నయా వినాయకుడునని బెదరగొట్టిస్తాను

ఏంచేస్తారు ఏంచేస్తారు అహా ఏం..చేస్తారు ౹ప౹