ధూమపానం

నోట బెట్టినంత రాజసముట్టిపడు 

అగ్గిరాజేయ గుప్పు గుప్పు గుప్పుమనుచు 

గుండెలోకి వెచ్చగా ప్రవహించు 

రైలు బండివోలె ముక్కు పుటములనుండి 

రింగు రింగులుగా బయటకు వచ్చు 

ఊపిరితిత్తులందు విషమునింపి 

నెమ్మది నెమ్మదిగా శరీరమును ఆవహించు

రోగాల పుట్టగా మారి నీ నోట రక్తమును కార్చు 

క్షయ క్షయముగా నీ ప్రాణములు తీసుకొని పోవు

ఎందులకింత వ్యామోహమో ఓ నవ యువకులార 

ధరలుపెంచినగాని జంకకున్నారు 

ధరాతలము పై జీవించ మక్కువలేదొకో మీకు 

అమ్మ నాన్నల ఆశలు మీరు 

దేశ భవితకు వెలుగు దివ్వెలు మీరు 

ఆశయాలసాధనకై అడుగు వేయుడీ 

అల్పమైన దురభ్యాసములకు దూరముండి