దేవుడు చేసిన మట్టి బొమ్మరా

దేవుడు చేసిన మట్టి బొమ్మరా
దేహమనే ఈ గూడు తాత్కాలికమురా
ఊపిరి ఉన్నంతవరకే నీ ప్రయాణమురా
ఒక్క మంచి పనే నీతో వచ్చే ధనమురా

పుట్టిన రోజు చేతులు ఖాళీగా వచ్చావురా
పోయే రోజు ఏదీ వెంట తీసుకెళ్లలేవురా
కూడబెట్టిన కోట్లు క్షణంలో మిగలవురా
కూడిన మంచి పేరే కాలమంతా నిలిచేనురా

కోపమనే మంటలో కాలిపోకు మనసురా
లోభమనే వలలో చిక్కిపోకు జీవితమురా
ప్రేమ అనే దీపమే చీకటిని పారద్రోలురా
దయ అనే దైవమే మనిషిని దేవుని చేయురా

నేడు నీదనుకున్నది రేపు మరొకరిదిరా
కాలమనే రథానికి అందరం ప్రయాణికులురా
సత్యమనే బాటలో అడుగులేస్తే చాలురా
ధర్మమనే నీడలో భయం ఎప్పుడూ ఉండదురా

అన్నదానం అమృతమై ఆకలిని తీర్చునురా
ఆపదలో ఆదుకుంటే ఆ దేవుడే తోడౌనురా
మంచి మాట ఒక్కటే మనసులను గెలుచునురా
మానవ సేవ చేసినవాడే మాధవుని చేరునురా

కాలమనే గురువు చెప్పే పాఠం వినురా
కర్మలే నీ వెంట నడిచే నిజమైన తోడురా
భక్తితో బతికితే భయం నీ దరి చేరదురా