Library
Profile
చెలికాడు.
చెలికాడు.
1 min
286
కలిమియందు లేమి యందు
కష్టకాల మందు కరము చాచి
మనకు తోడుగా మసలు చుండు
మన ప్రాణము మన చెలికాడు.
ఉన్నత స్థితిలో వున్న
వెన్ను తట్టి మెచ్చుకొనుచు
ఉత్సాహము నింపే
మన ప్రాణము మన చెలికాడు.
దుర్దశలో మునిగి పోవ
చెయ్యి పట్టి లేవదీసి
సరసకొచ్చి సాయపడే
మన ప్రాణము మన చెలికాడు.
సమస్యలో కూరుకొని
మంచేదో చెడు ఏదో
మఱచి పోయి తిరుగుతుంటే
సమయస్ఫూర్తిగ మంచి
సలహా నిచ్చే
మన ప్రాణము మన చెలికాడు.
భావ మొకటే, హృదయమొకటే, పయన మొకటే,గమ్యమొకటే మన వెంటే
తోడు నీడగా వుండే
మన ప్రాణము మన చెలికాడు.
