అనుకోని స్వప్నం

ప౹౹

కలలో కొచ్చిన నేస్తమా కలిసే ఉండుమా

ఇలలోను వాస్తవమా తెలిసే నడువుమా |2|

చ||

ఏ ప్రేమకోరి ఎదురు చూసానో ఎరగవులే

ఏపాటిదో ఆ ప్రేమ వర్ణించలేరు ఏ కవులే |2|

కొండకూడా అద్దంలో చూసిన కొంచెమేలే

గుండెలో నిండిన ఆ కూరిమి ఎంచమేలే |ప|

చ||

చూసి చూసి వేసారాక చూపొకటి విసిరి

వేచివేచి కోరావు ఆ కొత్త కోరికొకటి కొసిరి |2|

తనువంత వలపుతనము నింపి తరలేవు

చనువంత చిలికి చలాకి చూపి మరలేవు |ప|

చ||

ఆ సోయుగం ఏమని చెప్పను నా తరమే

ఓ యుగం వేచినా దొరికేనా ప్రేమ వరమే |2|

అనుకోని స్వప్నమా అలా ఉండిపోరాదా

అనుకొన్న ఆశల్ని మదిలో పండనీ రాదా |ప|