ఆంజనేయుడు

ఆంజనేయుడు.

మత్తకోకిల 

1.

కామితంబులు తీర్చి యా కపి కాపుకాయను భక్తులన్ 

బ్రేమమీరగ కొల్చు వారికి భీతిమాన్పును వేలుపై 

రామనామము పల్కుచుండెడి రాక్షసాంతకుడా హరిన్ 

దామసంబును ద్రోల వేడుదు ధర్మమౌ గతిఁ సాగుచున్.//

మత్తకోకిల

2.

భారమంతయు తీర్చు దైవము భావి బ్రహ్మగ వర్థిలన్ 

వీరపుత్రుడు వాయుసూనుడు వేదవేద్యుడు నమ్రతన్ 

జేరి భానుని యొద్ద విద్యను శ్రీకరంబుగ నేర్వగన్ 

గౌరవించిరి వేల్పు లెల్లరు కార్యశూరుని మెచ్చుచున్ /

ధ్రువకోకిల 

3.

హనుమ పేరును తల్చువారికి నాపదల్ దరి జేరునా?

ఘనుడు వానరసైన్య మందున కార్యమంతయు సల్పెగా 

వినయ వంతుని రామదాసుని బిల్వ వచ్చును తోడుగా 

జనుల శ్రేయము కోరు మారుతిఁ శ్రద్ధగా భజియింపుమా!/

కేసరీ పుత్రుని గొలిచి కీర్తి తోడ 

విభవమొందిరి భక్తులు పృథ్వియందు 

నాంజనేయుని ప్రణతితో నంజలించి 

మ్రొక్కువారికి దొరుకును ముక్తిఫలము.//