ఆ దర్శనమే ఆదర్శం

నాటికీ నేటికీ తానొక్కడే ఆదర్శం

 వేసిన ప్రతి అడుగు

 మానవజాతికి సందేశం

 సకలగుణాభి రాముడై 

 సీతామనోభిరాముడై

 పితృవాక్య పరిపాలకుడై 

 అడవినైనా అయోధ్య నైనా

 రాతిని నాతిగ చేసినా

 కోతిని దూతగ చేసినా 

 ఉడత సాయం చూసి ఉద్ధరించినా 

 దాటలేని కడలిని దాటి

 సాటిలేని పది తలలను కొట్టి

 చెడుపై సంధించిన రామబాణం

 తన చరితంతా పావనం

 జగత్కల్యాణ కారణం

 నాయకుడై, ప్రజావాక్య పాలకుడై

 నేటికీ నేతలందరికీ దిశానిర్దేశం

 ఆ దర్శనమే ఆదర్శం