மூட நம்பிக்கை

மூட நம்பிக்கை

எதிர் எதிர் வீட்டில் இரு குடும்பம் வசித்து வந்தது.ஒரு புறம் அண்ணன் குடும்பம்,எதிர்ப்புறம் தங்கை குடும்பம்.பெற்றோர் பாகம் பிரித்து இருவருக்கும் வீட்டை கொடுத்து விட்டனர்.அண்ணன் ராஜாவிற்கு ஒரே மகன் அகிலன்.தங்கைக்கு இரண்டுபெண்கள்அபர்ணா,தர்ஷனா.

அபர்ணா மூத்தவள்,ஆனால் அகிலனின் முறை பெண்.மூன்று வயது வித்தியாசம்.சிறு வயதில் இருந்தே இருவரும் பழகி வருகிறார்கள்.தனக்கு தான் அபர்ணா என்ற எண்ணத்தில் அவளுடன் பேசி பழகி வந்தனர்.

அது இரு வீட்டாருக்கும் மகிழ்ச்சி தான்.காலம் வரட்டும் கால்கட்டு போடலாம் என்று அடிக்கடி பேசி கொண்டு மகிழ்ச்சியாக இருந்தனர்.

இருவரும் கல்லூரி படிப்பை முடித்து

அகிலன் வேலைக்கு செல்ல,அபர்ணா மேல் படிப்பை தொடர்ந்தாள்.வேலை கிடைத்தவுடன்

இருவருக்கும் திருமணம் செய்து வைத்து விடலாம் என்ற பேச்சு வந்தது.அதற்கான நல்ல நாளை ஜோசியரிடம் தேட,வீட்டில் வயதான பாட்டி ஒருவர்,இருவருக்கும் இடையே திருமண பொருத்தம் ஜாதகத்தை வைத்து பார்க்க வேண்டும் என்ற ஒரு குண்டை தூக்கி போட,ஏற்கனவே மனதளவில் ஒத்து 

தாலி கட்ட போகும் நேரத்தில் இப்படி ஒரு பிரச்சினை.என்ன செய்வது சொன்னது அண்ணனின் மாமியார்.

வேறு வழியின்றி ஜோஸியரை பார்க்க,அவரும் பொருத்தம் நல்லா தான் இருக்கு,ஆனால் பெண்ணின் நட்சத்திரம் மூலம்,அது மாமனாரின்

ஆயுசை பாதிக்கும் என்று சொல்ல,

எல்லோரும் இந்த குறையை வைத்து கொண்டு ஏன் திருமணம் செய்ய வேண்டும் என்று,திருமணத்தை நிறுத்தி விட்டார்கள்.

சில மாதங்களுக்கு பிறகு,பெற்றோர் வற்புறுத்தல் காரணம் அகிலன் வேறு பெண்ணை திருமணம் செய்து கொண்டான்.ஆனால் அபர்ணாவின்

கல்யாணம் நின்றது அப்படியே நின்று விட்டது.தாமதிக்க கூடாது என்று தர்ஷனாவின் திருமணத்தை நடத்தி முடித்தனர்.

அது போல அகிலனின் அப்பாவும் அகிலன் திருமணம் முடிந்த அடுத்த ஆண்டு இறந்து விட்டார்.

இன்னும் சில ஆண்டுகள் கடக்க,அகிலனின் மனைவி இன்னும் அபர்ணா வை நினைத்து கொண்டு இருக்கிறீர்கள் என்று சண்டை போட்டு அவனிடம் விவாக ரத்து வாங்கி கொண்டு போய் விட்டாள்.

அன்று மாலை ரயில்நிலையத்தில்

டெல்லி செல்லும் ரயிலுக்கு காத்து இருந்தான்.அவன் வேறு யாரையோ எதிர்பார்த்து இரயில் பெட்டியின் வாசலில் காத்து இருந்தான்.சற்று நேரத்தில் அபர்ணா அங்கு வர,அவள் கையை பிடித்து,ரெயிலில் ஏற்றி விட்டான்.அபர்ணா அவனிடம் சாரி அகிலன்,ரொம்ப நேரம் (நாள்)

காக்க வைத்து விட்டேன் என்று கூறி

உள்ளே சென்றாள்.

இப்போது டெல்லியில் இருவரும் பணிக்கு சேர்ந்து இல்லற வாழ்க்கையை மகிழ்ச்சியாக நடத்தி கொண்டு இருக்கிறார்கள்.