புகை நமக்கு பகை
புகை நமக்கு பகை
கொள்ளிக் கட்டையென தெரிந்தும்
வாயில் வைத்தே - கேட்டினை
உள்ளிழுத்து மகிழும்
அறியாமை மாந்தர்களை
என்னென்று சொல்வது ?
புகை பிடிப்பது தீமையென
தயாரிப்பவனே தன் பொருளில்
அச்சிட்டுத் தான் தருகிறான் !
இருந்தும் - அதை சுகமென எண்ணும்
அறிவிலிகளை எப்படி காப்பாற்றவோ ?
புகையின் பரிசு - புற்று நோயென்றே
உணர்த்திடவே ஆயிரமாயிரம்
விழிப்புணர்வு பாடங்கள் வந்தாலும்
உணர்ந்து திருந்தாதவரை
புகை - புகைப்போர் மட்டுமன்றி
அவர்தம் அன்புநிறை சுற்றம் தனையுமே
பாதிப்பிற்குள்ளாக்குமே !
உணர்வோம் !
புகையால் மூச்சு திணறும் உலகை
நிம்மதியாய் சுவாசிக்க விடுவோம் !